Ilon Mask Grok Bot AI-agentiga xizmat koʻrsatish juda qimmatga tushayotganini aytdi
Bu foydalanuvchilar haftalik limitlari odatdagidan tezroq tugagani haqida shikoyat qilganidan keyin yuz berdi.
SpaceX rahbari Ilon Mask foydalanuvchilar haftalik limitlari muddatidan oldin tugagani haqida shikoyat qilganidan soʻng, AI-agentni ishlatish xarajatlari daromadga nisbatan haddan tashqari yuqori ekanini aytdi. U Xʼda Grok Botʼga xizmat koʻrsatish kompaniya uchun daromadiga nisbatan «barqaror boʻlmagan darajada qimmat»ga tushayotganini yozdi.
SpaceX Grok Botʼni avgust oyida ishga tushirdi. AI-agent inson nomidan turli vazifalarni, jumladan xaridlarni bajarish uchun virtual kompyuterdan foydalanadi. Tariflar bepul rejadan oyiga 200 dollargacha boʻlgan rejaga qadar mavjud, limitlar esa har hafta yangilanadi.
SpaceX maʼlumotlariga koʻra, Grok Botʼdan haftasiga 800 ming nafar pullik foydalanuvchi foydalanadi. Kompaniya, shuningdek, agentni oyiga 8 dollar turadigan X obunasiga Xʼning premium funksiyalari va dasturlash platformasi Cursor bilan birga kiritishini maʼlum qildi.
