Oʻzbekiston va Rossiyaning Primorskiy oʻlkasi qoʻshma savdo uylarini tashkil etmoqchi
Tomonlar, shuningdek, Fargʻona va Primorye oʻrtasida toʻgʻridan-toʻgʻri havo qatnovini yoʻlga qoʻyish hamda quyosh panellarini birgalikda ishlab chiqarish masalalarini muhokama qildi
Primorskiy oʻlkasi delegatsiyasi 18 oktabr kuni Fargʻona va Toshkentga tashrif buyurdi. Uchrashuvlarda Fargʻona viloyatidan Rossiya bozoriga mahsulot yetkazib berishni kengaytirish, shuningdek, Primoryeda savdo infratuzilmasini va shourum hamda milliy mahsulotlar yarmarkalariga ega Oʻzbekiston savdo uyini tashkil etish masalalari muhokama qilindi.
Oʻzbekiston va Primorskiy oʻlkasi vakillari Vladivostokda biznes-forum oʻtkazish, oʻzaro biznes-missiyalar tashkil etish hamda oʻzbekistonlik tadbirkorlar ishtirokida elektrotexnika buyumlarini birgalikda ishlab chiqarishni yoʻlga qoʻyish masalalarini koʻrib chiqdi. Shuningdek, tomonlar Primorye dengiz mahsulotlari, biologik faol qoʻshimchalar, moylar, maishiy kimyo vositalari va boshqa tovarlarni Uzum Market orqali sotishni ishlab chiqishga kelishib oldi.
«Hemiks grupp» kompaniyasi rahbari Fargʻona viloyatida beton konstruksiyalar ishlab chiqaruvchi korxonalarga tashrif buyurdi. Tashrif yakunlariga koʻra, tomonlar oʻzaro manfaatli hamkorlikni yoʻlga qoʻyishga kelishib oldi.
