AI xotirasi ishlab chiqaruvchisi SK Hynix: talab 2030 yilgacha taklifdan ustun boʻladi
Janubiy Koreyaning yarimoʻtkazgich xotirasi ishlab chiqaruvchi kompaniyasi foydasini oshirib, aksiyadorlarga toʻlovlar uchun 100 trln von yoʻnaltiradi
Uchinchi chorakda kompaniya 104 trln von tushum va 83 trln von operatsion foyda oldi. Har ikki koʻrsatkich rekord darajaga yetdi, tushum esa ilk bor 100 trln vondan oshdi.
DRAM segmentida serverlar uchun DDR5 savdosi oshdi, HBM4 yetkazib berishlari esa jadal boshlandi. NAND yoʻnalishida 321 qatlamli TLC eSSD va maʼlumotlarni qayta ishlash markazlari uchun boshqa mahsulotlar savdosi kengaydi.
SK Hynix xotiraga boʻlgan talab 2030 yilgacha taklifdan ustun boʻlishini kutmoqda. Kompaniya ishlab chiqarish quvvatlarini kengaytirishni rejalashtirmoqda, toʻrtinchi chorakda esa HBM4 yetkazib berish hajmi va tushum boʻyicha HBM3E dan oʻzib ketishini kutmoqda.
