Xitoy — Qirgʻiziston — Oʻzbekiston temir yoʻlining Qirgʻiziston qismi 2026-yil oxiriga qadar 22 foizga tayyor boʻladi

2026-yil oxiriga qadar Qirgʻizistondagi Xitoy — Qirgʻiziston — Oʻzbekiston yoʻnalishidagi temir yoʻl qurilishining 22 foizini bajarish rejalashtirilmoqda. Bu haqda «Xitoy — Qirgʻiziston — Oʻzbekiston temir yoʻl kompaniyasi» OAJ bosh direktorining oʻrinbosari Ulan Kulov maʼlum qildi.

Temir yoʻlni rasman foydalanishga topshirish 2031-yilga moʻljallangan. Shu bilan birga, pudratchilar qurilishni bir yil oldin — 2030-yilda yakunlashni rejalashtirmoqda. Togʻli hududlarda tunnellar qazilayotganda yer qatlamlari oʻzgaradi, oʻpirilishlar yuz beradi va yerosti suvlari paydo boʻladi.

Kelajakdagi magistral orqali yuklar va yoʻlovchilar tashiladi.