Oʻzbekiston va Janubiy Koreyaning INPRO kompaniyasi raqamli chorvachilikka 20 mln dollar yoʻnaltiradi
12 oylik loyiha mahalliy kompaniyalar, ilmiy muassasalar va fermer xoʻjaliklarini birlashtiradi
Oʻzbekistonning INPRO Inc. bilan hamkorligi doirasida 20 mln dollar investitsiya kiritish rejalashtirilgan. 2026-yil 19-oktabr kuni Oʻzbekiston Oziq-ovqat mahsulotlari xavfsizligi qoʻmitasi raisi Azizbek Urunov va INPRO Inc. bosh direktori Chve Syn Hyok oʻzaro anglashuv memorandumini imzoladi.
INPRO xalqaro ISO/ICAR standartlariga mos RFID-belgilarni bulutli platforma bilan birlashtiruvchi DLGS tizimini namoyish etdi. Ushbu yechim hayvonlarning tugʻilishi, salomatligi, emlanishi va harakatlanishini real vaqt rejimida kuzatish imkonini beradi.
Kelishuv doirasida ilmiy-tadqiqot va tajriba-sinov ishlari, mutaxassislarni oʻqitish hamda qishloq xoʻjaligi hayvonlari genetikasini rivojlantirish koʻzda tutilgan. Pilot loyiha natijalari yakunlangach, tomonlar hamkorlikning keyingi istiqbollarini baholashni rejalashtirmoqda.
