Xitoyning CXMT kompaniyasi aksiyalari 6 foizdan koʻproqqa pasaymoqda
Investorlar chip ishlab chiqaruvchisining yana foyda koʻra boshlaganiga eʼtibor qaratmayapti
Prognozga koʻra, kompaniya 2026-yil yanvar–sentabr oylarida qariyb 265–270 mlrd yuan miqdorida tushum olishni kutmoqda. Xuddi shu davrda tezkor xotira ishlab chiqarish bilan shugʻullanuvchi Xitoyning CXMT kompaniyasi aksiyadorlarga tegishli sof foyda 131–132,5 mlrd yuanga yetishini kutmoqda. Bu oʻtgan yilgi sof zarardan foydaga oʻtishni anglatadi.
Kompaniya moliyaviy natijalarning yaxshilanganini 2025-yilning ikkinchi yarmidan boshlab sunʼiy intellekt uchun hisoblash quvvatlariga boʻlgan talabning keskin oshgani bilan izohlamoqda. Bu DRAM xotira chiplari jahon bozorini qoʻllab-quvvatladi: unda taklif taqchilligi yuzaga kelib, narxlar sezilarli darajada oshdi.
CXMT, shuningdek, xotira chiplari jahon bozoridagi mavqeini mustahkamlamoqda va Samsung Electronics, SK Hynix hamda Micron Technology kompaniyalari bilan raqobatlashmoqda.
