FAO Fargʻona vodiysidagi dehqon va tomorqa xoʻjaliklarining texnik salohiyatini rivojlantirmoqda
Sentabr va oktabr oylarida tuproq va suv resurslarini barqaror boshqarish boʻyicha kurslarni 38 kishi tamomladi
Andijon, Namangan va Fargʻona viloyatlarida loyiha ishtirokchilariga 12 ta motokultivator va shuncha qoʻl purkagichi topshirildi. Ularni dehqon xoʻjaliklari hamda tomorqa uchastkalari egalari oldi.
Texnika «Navbahor», «Beshkapa» va «Sanoat» mahallalariga yetkazildi. Qurgʻontepa tumaniga qoʻshimcha ravishda bir tonna karbamid olib kelindi. FAO loyihani Oʻzbekiston Qishloq xoʻjaligi vazirligi bilan hamkorlikda amalga oshirmoqda.
Kutilishicha, uskunalar tuproqqa ishlov berishni yengillashtiradi, qoʻl mehnati hajmini kamaytiradi va oʻsimliklarni kasalliklar hamda zararkunandalardan himoya qilish imkonini beradi. Loyiha Fargʻona vodiysida iqlimga chidamli qishloq xoʻjaligini rivojlantirishga qaratilgan.
