Oʻzbekiston Wabtec kompaniyasi bilan hamkorlik istiqbollarini muhokama qildi
Muzokaralarda lokomotivlarni uzoq muddatli servis xizmati bilan yetkazib berish hamda AQSh moliya institutlarining ishtiroki masalalari koʻrib chiqildi
Oʻzbekiston Prezidenti Shavkat Mirziyoyev Wabtec kompaniyasi direktorlar kengashi raisi va kompaniyaning bosh ijrochi direktori Rafael Santana bilan uchrashdi.
Tomonlar mamlakat temir yoʻl infratuzilmasining rivoji va tranzit salohiyatini hisobga olgan holda lokomotivlar parkini yangilash va kengaytirish masalalarini muhokama qildilar.
Kun tartibidan Oʻzbekistonda texnik xizmat koʻrsatish, butlovchi qismlar ishlab chiqarish va kadrlar tayyorlash masalalari ham oʻrin oldi. Shuningdek, konchilik korxonalarining karyer texnikasi uchun servis markazi hamda dizel-generator qurilmalari boʻyicha hamkorlik muhokama qilindi.
