Misr kompaniyalari Oʻzbekistondagi agrar tashabbuslarga qiziqish bildirmoqda
Hamkorlik imkoniyatlarini oʻrganish va aniq loyihalarni tayyorlash uchun Oʻzbekistonda misrlik mutaxassislar qabul qilinadi
Qishloq xoʻjaligi, chorvachilik, sugʻorish va yangi yerlarni oʻzlashtirish sohalaridagi hamkorlik masalalarini Misrning olti kompaniyasi vakillari hamda oʻzbekistonlik diplomatlar muhokama qildi. Uchrashuvda «Famot», «Delta», «Modern Farming», «SOBEK», «Fruits» va «Pureland» kompaniyalari vakillari ishtirok etdi.
Misr tomoni aylanma sugʻorish tizimlari asosidagi loyihalarni ishlab chiqish, chorvachilikni rivojlantirish, ozuqa bazasini yaratish va keyinchalik eksport qilish uchun qishloq xoʻjaligi mahsulotlarini yetishtirishga tayyor. Kompaniyalar, shuningdek, yangi yerlarni oʻzlashtirish va Oʻzbekiston hududlarida agrar sektorni rivojlantirishga qiziqish bildirdi.
