27-oktabr kuni «Togʻ-kon ishi, metallurgiya va metallga ishlov berish – MiningMetals Uzbekistan 2026» koʻrgazmasi boshlanadi
Unda 19 mamlakatdan 163 ta kompaniya va brend ishtirok etishini tasdiqladi
2026-yil 27–29-oktabr kunlari Toshkentdagi «Oʻzekspomarkaz» NKKda MiningMetals Uzbekistan 2026 koʻrgazmasi boʻlib oʻtadi. Tashkilotchilar — Iteca Exhibitions va ICA Eurasia Group.
Stendlarda ishlab chiqarishning barcha bosqichlari — burgʻilash, qazib olish, rudani boyitish, metallurgik qayta ishlash va raqamli boshqaruv uchun yechimlar namoyish etiladi. Oʻzbekistonning integratsiyalashgan ekspozitsiyasini Navoiy kon-metallurgiya kombinati, Olmaliq kon-metallurgiya kombinati, Uzmetkombinat, Oʻzbekiston texnologik metallar kombinati va Navoiyuran tashkil etadi.
Biznes dasturini Oʻzbekistonning sakkizinchi xalqaro togʻ-kon-metallurgiya forumi — UIMF toʻldiradi. AzerGold Oʻzbekistonda geologik qidiruv va mineral resurslarni baholash loyihalarini rivojlantirishni rejalashtirmoqda.
