«Oʻzbekneftgaz» toʻqqiz oyda beshta gaz konini ochdi
Yanvar–sentabr oylarida kompaniya eksporti 736,7 mln dollarni, oʻzlashtirilgan investitsiyalar hajmi esa 790 mln dollarni tashkil etdi
Toʻqqiz oy ichida kompaniya 80 ta quduq burgʻuladi, taʼmirlash ishlari esa sutkalik gaz qazib olish hajmini 4 mln kub metrga oshirdi.
Xomashyo bazasiga «Qiziljar», «Shagirlik» (quyi yura), «Telegri», «Gulshanbogʻ» va «Kaprin» konlari kiritildi. Ustyurt platosidagi «Moʻynoq», «Qiziljar», «Gʻarbiy Quyi Surgil» va «Shagirlik — quyi yura» uchastkalarida sanoat miqyosida gaz va kondensat oqimlari olindi. Zaxiralarni DeGolyer and MacNaughton xalqaro standartlar asosida baholamoqda.
Burgʻulash ishlarini kengaytirish uchun «UNG Burgʻilash» MChJ tashkil etildi. Kompaniya katta chuqurlikdagi quduqlar uchun Xitoy qurilmalarini xarid qilmoqda. Yil oxirigacha kompaniya 3D-seysmik qidiruv maydonini kengaytirishni rejalashtirmoqda, shuningdek, geologik qidiruv uskunalarini INOVA kompaniyasidan sotib olmoqchi.
