Elektrichkalar va shaharlararo avtobuslarda naqd toʻlovdan voz kechish rejalashtirilmoqda
Transport vazirligi loyihani 2030-yilga qadar toʻliq amalga oshirishni rejalashtirmoqda
Oʻzbekiston Transport vazirligi 2030-yil 1-yanvarga qadar shahar atrofi poyezdlari va avtobuslarda, shuningdek shaharlararo avtobuslarda yoʻl haqini toʻlashni toʻliq naqd pulsiz shaklga oʻtkazishni taklif qiluvchi loyihani eʼlon qildi. Hujjatda 2027–2029-yillarda elektron chiptalarga kamida 20 foiz chegirma berish koʻzda tutilgan. Hozir ushbu yoʻnalishlarda yoʻlovchilarning qariyb 70 foizi naqd pulda toʻlov qiladi.
Yangi tartibni joriy etish uchun vazirlik Iqtisodiyot va moliya vazirligi hamda «Oʻzbekiston temir yoʻllari» bilan birgalikda tarif qoidalari, hisob-kitoblarni amalga oshirish tartibi va tashuvchilarga kompensatsiya toʻlash mexanizmini ishlab chiqishi kerak. Hujjatda chegirmalar qoʻshimcha moliyalashtirishni talab qilmasligi qayd etilgan, biroq kamayib qoladigan daromadlarni qoplash uchun mablagʻ manbasi ochiqlanmagan.
Yana oʻqing
