BYDʼda endi Toyota, GM, Ford va Tesla jami xodimlaridan ham koʻproq xodim bor
Kompaniya xodimlari soni 1,02 mln kishidan oshdi
BYD xodimlari soni 1,02 mln kishidan oshganini kompaniya raisi Van Chuanfu China Society of Automotive Engineers konferensiyasida maʼlum qildi. Bu Toyota, GM, Ford va Tesla xodimlarining jami sonidan koʻproq.
Bu raqamga nafaqat avtomobil boʻlinmalari, balki batareyalar, mikrosxemalar, motorlar, energiya saqlash tizimlari, temiryoʻl uskunalari hamda boshqa brendlar uchun elektronika ishlab chiqarish yoʻnalishlari ham kiradi. Van Chuanfuning aytishicha, bunday vertikal integratsiya BYDʼning akkumulyator ishlab chiqaruvchisidan yangi energiya manbalarida ishlaydigan avtomobillar bozoridagi eng yirik brendlardan biriga aylanishi uchun asos boʻlgan.
2026 yil yanvar–sentabr oylarida BYD 3 131 576 ta avtomobil sotdi — bu oʻtgan yilning shu davriga nisbatan 3,9 foizga kam. Shu bilan birga, xalqaro sotuvlar oʻsdi, kompaniyaning Tailand, Braziliya va Vengriyadagi korxonalari esa bozorga chiqa boshladi.
