Uoll-strit tahlilchilari sunʼiy intellektga sarmoya kiritish uchun uchta eng yaxshi aksiyani aytdi
TipRanks ekspertlari AI infratuzilmasini ishlab chiquvchilar, chip ishlab chiqaruvchilar va xususiy aerokosmik sohaga eʼtibor qaratdi
Navbatdagi hisobotlar mavsumi, Yaqin Sharqdagi geosiyosiy keskinlik va sunʼiy intellektga katta xarajatlar bilan bogʻliq xavotirlar fonida investorlar ishonchli aktivlarni izlamoqda. Platforma tahlilchilari birlik iqtisodiyoti kuchli va oʻsish salohiyati yuqori boʻlgan uchta kompaniyani ajratib koʻrsatdi.
Datadog: xavfsizlik va monitoringga talab oshmoqda
Bank of America tahlilchisi Koji Ikeda Datadog aksiyalari boʻyicha «sotib olish» reytingini tasdiqladi va maqsadli narxni $335 gacha oshirdi. Oʻsish omillari sifatida kompaniyalarning bulutli xizmatlarga tezlashgan migratsiyasi, AI-agentlarning joriy etilishi hamda kiberxavfsizlik mahsulotlarining rivojlanishi koʻrsatilmoqda. Ekspert kompaniya daromadining uchinchi chorakda 28,7 foizga oshishini kutmoqda.
Nvidia: chiplar bozoridagi ustunlik va taqchillikni yengish
Morgan Stanley tahlilchisi Jozef Mur Nvidia qimmatli qogʻozlari boʻyicha maqsadli narxni $300 darajasida saqlab qoldi. Muvaffaqiyatning asosiy omili hanuz talabning taklifdan yuqoriligi hamda taʼminot zanjirlaridagi muammolarning samarali hal etilayotgani boʻlib qolmoqda. Mur Vera Rubin arxitekturasini rivojlantirish va chiplarni qadoqlash hamda sinovdan oʻtkazish boʻyicha shartnoma asosidagi quvvatlarni kengaytirish yuqori daromad keltirayotganini taʼkidladi.
SpaceX: AIʼdan rekord daromad va biznesni kengaytirish
Needham tahlilchisi Rayan Kuns kompaniyaning kuchli hisobotidan soʻng maqsadli narxi $250 boʻlgan «sotib olish» reytingini tasdiqladi. SpaceXʼning 2026-yil uchinchi choragidagi daromadi yillik hisobda 161 foizga oshdi, AIʼdan tushgan daromad esa $7,56 mlrdga yetdi — bir yil avval bu koʻrsatkich $813 mln edi. Ekspert vertikal integratsiyalashgan modelning muvaffaqiyatini, Connectivity xizmatiga obunachilar soni 13,6 mln gacha oshganini va 2027-yilda quvvatlarni kengaytirish rejalashtirilayotganini taʼkidladi.
