Apple Nvidiaʼdan oʻzib, yana dunyodagi eng qimmat kompaniyaga aylandi
Bu investorlarning sunʼiy intellektga yoʻnaltirilayotgan yirik xarajatlardan xavotiri fonida yuz berdi
Intel va Amazonning zaif hisobotlari sunʼiy intellektga kiritilayotgan sarmoyalarning istiqboliga shubhalarni kuchaytirgach, investorlar iPhone ishlab chiqaruvchisini xavfsizroq aktiv deb hisoblay boshladi. Apple esa ayni paytda bunday investitsiyalardan katta darajada voz kechdi.
Sunʼiy intellektga sarflangan mablagʻlar Alphabet va Amazonning erkin pul oqimini manfiy koʻrsatkichga olib keldi. Kompaniyalar qarz bozoridan tobora koʻproq mablagʻ jalb qilmoqda, foiz stavkalarining oshishi esa kreditlarni qimmatroq qilmoqda.
Nasdaq 100 indeksi oktabr oyida 6,7 foizga pasayib, 2025-yil martidan beri eng yomon oylik natijani qayd etdi. Sunʼiy intellekt uchun hisoblash quvvatlarini sotadigan CoreWeave va Nebius Group kompaniyalari aksiyalari bir oy ichida 30 foizdan koʻproqqa arzonladi, Intel aksiyalari esa 45 foizdan koʻproq qiymat yoʻqotdi. Investorlarni sunʼiy intellekt infratuzilmasiga kiritilgan yirik sarmoyalar hozircha kompaniyalar daromadining sezilarli oʻsishiga olib kelmagani xavotirga solmoqda.
